Biełaruskaja čyhunka źmienić raskład niekatorych ciahnikoŭ

Z 7 da 26 vieraśnia 2026 hoda Biełaruskaja čyhunka źmienić hrafik ruchu šerahu pasažyrskich ciahnikoŭ na ŭčastku Minsk — Orša. Źmieny źviazanyja z budaŭniča-mantažnymi i ramontnymi rabotami na adrezku Kałodziščy — Haradzišča.

Fota: Lookby.media

U asobnyja daty buduć admienienyja ciahniki №717/718 Maskva — Minsk — Maskva, №704/713 Minsk — Viciebsk — Minsk, №862/861 i №866/863 Minsk — Orša — Minsk. Zamiest ciahnika №713/714 Viciebsk — Minsk — Viciebsk u hety pieryjad budzie kursavać ciahnik №623/624 pa tym ža maršrucie.

Ciahnik №712/711 Viciebsk — Minsk 7, 14 i 21 vieraśnia pojdzie pa źmienienym maršrucie — praz Połack i Maładziečna.

Karektavańni zakranuć i mižnarodnyja rejsy. Źmienicca raskład niekatorych ciahnikoŭ Maskva — Minsk, Maskva — Brest, Sankt-Pieciarburh — Brest, a taksama ciahnikoŭ spałučeńnia Maskva — Kalininhrad.

Akramia taho, u hety pieryjad buduć skarektavanyja maršruty i raskład asobnych ciahnikoŭ mižrehijanalnych i rehijanalnych linij, u tym liku haradskich i rehijanalnych ciahnikoŭ ekanomkłasa na ŭčastku Minsk — Orša. Niekatoryja ź ich taksama časova skasujuć.

BČ rekamienduje pasažyram uličvać źmieny pry płanavańni pajezdak u hety pieryjad.

Kamientary da artykuła