MZS Rasii: Situacyja składvajecca nie na karyść Kijeva
Pra heta namieśnik Siarhieja Łaŭrova Siarhiej Rabkoŭ zajaviŭ pierad vizitam Džareda Kušniera i Styva Uitkafa ŭ Maskvu.
Siarhiej Rabkoŭ. Fota: Alexander Zemlianichenko / AP
Amierykanskaja administracyja pry abmierkavańni ŭrehulavańnia va Ukrainie pavinna brać pad uvahu situacyju na ziamli, jakaja składvajecca nie na karyść Kijeva. Pra heta zajaviŭ TASS namieśnik kiraŭnika MZS Rasii Siarhiej Rabkoŭ u adkaz na prośbu prakamientavać mahčymy vizit śpiecpasłańnika prezidenta ZŠA Styva Uitkafa i ziacia Donalda Trampa Džareda Kušniera ŭ Maskvu.
«Hałoŭnaje pytańnie — nakolki administracyja ZŠA hatovaja ŭkłaścisia ŭ pošuk realnaha rašeńnia ciapierašniaha kryzisu, jakoje ŭličvaje ŭ tym liku i realii na ziamli. Nie tolki pieršapryčyny, pra jakija my ŭvieś čas havorym, ale i tuju situacyju, jakaja pastajanna źmianiajecca i źmianiajecca nie na karyść Kijeva», — skazaŭ jon.
Učora Donald Tramp zajaviŭ, što Uitkaf i Kušnier, što pavinny siońnia i zaŭtra naviedać Maskvu i Kijeŭ, viazuć prapanovu ab zaviaršeńni vajny.