U Maskvie žančyna naradziła ŭ 60 hadoŭ. Jajcakletki jana zamaroziła 15 hadoŭ tamu
Heta jaje treciaje dzicia, jakoje źjaviłasia praz 20 hadoŭ paśla druhoha. Praz čatyry dni paśla rodaŭ žančynie spoŭniŭsia 61 hod.
U 2010 hodzie žančyna zamaroziła ŭłasnyja jajcakletki. Praz 15 hadoŭ ich vykarystali dla ekstrakarparalnaha apładnieńnia, paviedamlaje TASS.
Na 38‑m tydni ciažarnaści žančynie zrabili płanavaje kiesarava siačeńnie. Naradziŭsia zdarovy chłopčyk vahoj 3 kiłahramy 80 hramaŭ.
Starejšyja dzieci spačatku nie padtrymali rašeńnie žančyny, adnak paśla naradžeńnia brata źmianili svajo staŭleńnie. «Starejšyja dzieci byli suprać, ale ciapier pryniali brata i aktyŭna mnie dapamahajuć», — raskazała žančyna.
Pavodle jaje, da poźniaha maciarynstva jana rychtavałasia zahadzia i prymała rašeńnie śviadoma. Ciapier svajaki i siabry dapamahajuć joj z hatavańniem i prybirańniem, kab jana mahła bolš času pravodzić z synam i vysypacca.