Ci buduć Minsk aktyŭna zabudoŭvać žyllom i dalej?
Kiraŭnik Minharvykankama Uładzimir Kucharaŭ patłumačyŭ, čaho čakać.
Fota: LookByMedia
Ci buduć Minsk aktyŭna zabudoŭvać žyllom i dalej?
«My budziem praciahvać budaŭnictva žytła ŭ Minsku. Miescaŭ stanovicca ŭsio mienš i mienš, tamu my prystupajem da vialikaha prajekta budaŭnictva rajona Zialony Bor za kalcavoj darohaj u Partyzanskim rajonie. Hety prajekt zabiaśpiečyć budaŭnictva bolš jak 4 młn kv.m. žytła, ale jano budzie nie kamiercyjnaje, a dla tych, chto maje patrebu, dla ludziej, jakija pracujuć u sacyjalnaj śfiery, dla šmatdzietnych siemjaŭ. Tam ža płanujecca budavać u vialikaj kolkaści arendnaje žytło.
Prajekt dazvolić zabiaśpiečyć ciaham najbližejšych 10—12 hadoŭ vykanańnie ŭsich sacyjalnych abaviazkaŭ Minharvykankama pa budaŭnictvie žytła dla tych, chto maje patrebu. Viadoma ž, budziem rabić i adzinkavuju zabudovu kamiercyjnaha žytła», — skazaŭ Uładzimir Kucharaŭ u efiry kanała «Pieršy infarmacyjny».
U 2027 hodzie ŭ Minsku skončać prajekt «Minsk-Śviet». Praciahniecca budaŭnictva «Paŭnočnaha bieraha».