«Alternatyva dla Hiermanii» pieramahaje na vybarach u Saksonii-Anchalt
Na vybarach u Saksonii-Anchalt «Alternatyva dla Hiermanii», pavodle danych ekzit-połaŭ, nabiraje 44,5%. Sama partyja nazvała hetyja vyniki histaryčnymi. Pytańnie, ci ŭdasca partyi znajści partnioraŭ, bo raniej inšyja asnoŭnyja partyi vyklučali kaalicyju z AdH.
Alisa Vajdel. Fota: AP Photo/Martin Meissner
Ličby ekzit-połaŭ daje telekanał ARD paśla začynieńnia ŭčastkaŭ. CHDS zajmaje druhoje miesca z 18,5%. «Levaja partyja» nabiraje 9,5%, «Zialonyja» — 9%, SDPH — 8%, «Sajuz Sary Vahienkniecht» — 5%, SvDP — 2%, inšyja partyi — 3,5%, paviedamlaje Bild. Paroh prachodžańnia — 5%.
Premjer-ministr Saksonii-Anchalt Śvien Šulce pryznaŭ parazu CHDS na ziamielnych vybarach i pavinšavaŭ AdH ź pieramohaj.
«My žyviom u demakratyi. Ja chaču pavinšavać pieramožcu vybaraŭ», — zajaviŭ jon.
Pry hetym Šulce zaklikaŭ nie nazyvać vynik vybaraŭ «čornym dniom» dla ziamli.
Rekordna vysoki prychod, pavodle jaho słoŭ, staŭ vyraznym sihnałam vybarcaŭ, na jaki palityki musiać adreahavać.
Sustaršynia AdH Alisa Vajdel nazvała vynik vybaraŭ histaryčnym. «Heta najlepšaje, čaho kali-niebudź udavałasia dasiahnuć u hetaj fiederalnaj ziamli», — skazała jana ARD.