U Biełarusi raźmieščanyja rasijskija bryhady, jakija absłuhoŭvajuć «Arešnik» — ukrainskaja raźviedka
Pramuju pahrozu z terytoryi Biełarusi i vierahodnaść jaje ŭstupleńnia ŭ vajnu suprać Ukrainy kiraŭnik HUR Ukrainy acaniŭ jak nizkuju.
Ilustracyjnaje fota Minabarony Rasii via AP
U Biełarusi raźmieščanyja rasijskija bryhady, jakija absłuhoŭvajuć «Arešnik» — pra heta ŭ intervju «Ukrinfarmu» zajaviŭ načalnik Hałoŭnaha ŭpraŭleńnia raźviedki Ministerstva abarony Ukrainy Aleh Ivaščanka.
Pavodle jaho infarmacyi, na terytoryi Biełarusi ciapier raźmieščanyja padraździaleńni 101‑j rakietnaj bryhady Uzbrojenych sił Rasii, na ŭzbrajeńni jakoj znachodzicca rakietny kompleks «Arešnik». Taksama jon adznačyŭ, što Ukrainu «niepakoić» toje, što Biełaruś dazvoliła RF raźmiaścić na svajoj terytoryi retranślatary radyjosihnałaŭ, jakija navodziać rasijskija ŭdarnyja bieśpiłotniki na ŭkrainskija hramadzianskija abjekty i krytyčnuju infrastrukturu.
«Kali Biełaruś takoha dazvołu nie davała, heta śviedčyć pra toje, što Minsk užo nie kantraluje dziejnaść Rasii na ŭłasnaj terytoryi», — zajaviŭ Ivaščanka.
Pry hetym pramuju pahrozu z terytoryi Biełarusi i vierahodnaść jaje ŭstupleńnia ŭ vajnu suprać Ukrainy jon acaniŭ jak nizkuju.