Biełarus vyraściŭ hihancki kavun vahoj 42 kh i pravioŭ jaho dehustacyju
Biełarus Viktar vyraściŭ na svaim učastku niezvyčajna vialiki kavun — jaho vaha skłała ažno 42 kiłahramy, piša Tochka.by.
Skrynšot ź videa
Kab uzvažyć taki płod, mužčynu daviałosia prydumać śpiecyjalnuju kanstrukcyju. Jon abmataŭ kavun sietkaj i padčapiŭ jaje da kruka biaźmiena. Padniać kavun ad ziamli było niaprosta, ale ŭ vyniku vahi pakazali 42 kh.
Viktar raskazaŭ, što ceły tydzień čakaŭ pamočnika, jaki zmoh by źniać praces na videa. Hihancki płod vyras z nasieńnia sortu «deraja» japonskaj sielekcyi, jaki adnosicca da konkursnych sartoŭ, aryjentavanych na atrymańnie vielmi vialikich pładoŭ. Mužčyna adznačyŭ, što biełaruskija aharodniki taksama zdolnyja vyroščvać takich vołataŭ.
Paśla ŭzvažvańnia Viktar vyrašyŭ pravieryć nie tolki pamiery kavuna, ale i jaho smak. Kali jon razrezaŭ płod, to ŭnutry miakać była nie jarka-čyrvonaj, a bledna-ružovaj, a siemki byli biełymi.
Adnak źniešni vyhlad nie rasčaravaŭ haspadara. Viktar adrezaŭ kavałak, pakaštavaŭ jaho i zajaviŭ, što kavun vielmi sałodki. Pavodle jaho słoŭ, adnoj z pryčyn dobraha smaku stała toje, što raślina rasła na ŭłasnych karaniach, biez pryščepki.
Čytajcie taksama:
«U nas jany vielmi sałodkija». Biełaruska pachvaliłasia ŭradžajem hihanckich kavunoŭ
Biełaruska atrymała z adnoj pasiejanaj siemki 90 kiłahramaŭ kavunoŭ
U biełaruskich kramach źjavilisia tureckija čornyja kavuny. Jakija jany na smak