U Hrodnie taksisty amal try hady atrymlivali zarobki ŭ kanviertach
U Hrodnie bolš za 120 kiroŭcaŭ taksi na praciahu prykładna troch hadoŭ atrymlivali častku zarobku nieaficyjna. Ahulnaja suma vypłat, jakija nie adlustroŭvalisia ŭ buchhałtarskim uliku kampanii, pieravysiła 940 tysiač rubloŭ, paviedamiła pres-słužba Kamiteta dziaržaŭnaha kantrolu.
Zdymak ilustracyjny. Fota: «Anłajnier»
Schiemu raskryli supracoŭniki ŭpraŭleńnia Departamienta finansavych rasśledavańniaŭ Kamiteta dziaržaŭnaha kantrolu Hrodzienskaj vobłaści.
Jak vyśvietliłasia, hrošy kiroŭcam pieradavali «ŭ kanviertach», nie ŭklučajučy ich u aficyjnuju spravazdačnaść kampanii, jakaja zajmałasia pasažyrskimi pieravozkami na taksi.
U vyniku dziaržava niedaatrymała bolš za 120 tysiač rubloŭ padatkaŭ i inšych abaviazkovych płaciažoŭ.
U dačynieńni da faktyčnaha kiraŭnika kampanii zaviali kryminalnuju spravu. Jaho padazrajuć va ŭchileńni ad vykanańnia abaviazkaŭ pa pieraličeńni padatkaŭ u asabliva vialikaj sumie.
Čytajcie taksama:
Pryvatnuju stamatałahičnuju kliniku złavili na maštabnym uchileńni ad padatkaŭ
Andruś Biezdar, jaki vyjšaŭ ź SIZA, raskazaŭ, jak jaho sprava ciapier i što budzie dalej
KDK raskazaŭ pra schiemu niezakonnaha vyvadu hrošaj u biełaruskim šou-biznesie