U Hiermanii ŭpieršyniu pieraabstalujuć aŭtazavod pad abaronnaje pradpryjemstva — im stanie pradpryjemstva Volkswagen
Volkswagen damoviŭsia pra ŭmovy prodažu svajho zavoda ŭ Asnabriuku inviestycyjnaj kampanii Aurelius i ŭładam fiederalnaj ziamli Nižniaja Saksonija, paviedamlaje telekanał «Dožd́».
Fota: David Ebener/dpa Photo by David Ebener/picture alliance via Getty Images
Pradpryjemstva płanujuć pastupova pieratvaryć u centr raspracoŭki i vytvorčaści rašeńniaŭ u śfiery biaśpieki i abarony — heta budzie pieršy aŭtamabilny zavod u Hiermanii, pieraabstalavany dla vypusku vajennaj pradukcyi, adznačaje hazieta.
Pieršym bujnym partnioram zavoda pavinna stać izrailskaja abaronnaja kampanija Rafael, jakaja vyrablaje sistemy SPA, kiravanyja rakiety i srodki radyjoelektronnaj baraćby, a taksama raspracavała sistemu supraćrakietnaj abarony «Žalezny kupał». Na pieršym etapie partniory razhladajuć mahčymaść naładzić u Asnabriuku raspracoŭku i vypusk kampanientaŭ dla sistem SPA.
Prodaž pakul kančatkova nie aformleny. Bakam jašče treba ŭzhadnić finansavuju i arhanizacyjnuju strukturu novaj kampanii, raźmierkavać paŭnamoctvy, a taksama atrymać adabreńnie karparatyŭnych orhanaŭ i rehulujučych viedamstvaŭ.
Zavod u Asnabriuku byŭ stvorany na bazie pradpryjemstva Karmann, jakoje z 1949 hoda vypuskała kabryjalety Volkswagen Beetle. Paśla bankructva Karmann u 2009 hodzie Volkswagen vykupiŭ bolšuju častku vytvorčaści.