Vienhryja vysyłaje adrazu 10 rasijskich dypłamataŭ. Takoha raniej nie było
Ułady Vienhryi zapatrabavali, kab dziesiać supracoŭnikaŭ rasijskaha dypłamatyčnaha pradstaŭnictva pakinuli krainu. Heta najbujniejšaja adnačasovaja vysyłka rasijskich dypłamataŭ u historyi Vienhryi.
Ministarka zamiežnych spraŭ Anita Orban paviedamiła, što rašeńnie pryniali pavodle acenki vienhierskich śpiecsłužbaŭ.
«Dziesiać supracoŭnikaŭ rasijskaha pradstaŭnictva zajmalisia ŭ Vienhryi dziejnaściu, jakaja ŭ adpaviednaści ź Vienskaj kanviencyjaj nieprymalnaja dla dypłamata», — zajaviła jana.
Rasijskaha pasła ŭ Budapiešcie ŭžo prainfarmavali pra rašeńnie. Pavodle Orban, vysyłka pavinna abaranić biaśpieku i suvierenitet Vienhryi.
Pry hetym Budapiešt nie źbirajecca razryvać dypłamatyčnyja adnosiny z Maskvoj i maje namier zachoŭvać «nieabchodny dyjałoh pry ŭzajemnaj pavazie i vykanańni praviłaŭ».