U subotu ŭ centry Minska pierakryjuć ruch: z ranicy — časova, ź viečara — całkam
12 vieraśnia ŭ Minsku buduć pierakryvać ruch z-za mierapryjemstvaŭ kala Pałaca sportu i ŭ Vierchnim horadzie.
Z 08:00 da 18:00 mohuć časova abmiežavać prajezd na ŭzdymie z vulicy Maksima Bahdanoviča na praśpiekt Pieramožcaŭ i na spusku ŭ advarotny bok. Heta budzie zaležać ad situacyi na darohach. Hramadski transpart abmiežavańni nie zakranuć.
A z 18:00 i da zakančeńnia mierapryjemstvaŭ ruch na hetych učastkach, a taksama pa praśpiekcie Pieramožcaŭ ad vulicy Internacyjanalnaj da vulicy Mielnikajcie pierakryjuć całkam — dla ŭsich vidaŭ transpartu.
Akramia taho, z 07:00 12 vieraśnia na prypynačnym punkcie «Pałac sportu», jaki prymykaje da miesca praviadzieńnia mierapryjemstvaŭ, budzie zabaronienaja pasadka i vysadka pasažyraŭ.