Natallu Adamovič pachavajuć u Hłušy pobač z baćkam i maci
Raźvitańnie adbudziecca siońnia.
Cyrymonija raźvitańnia z dačkoj piśmieńnika Alesia Adamoviča Natallaj Adamovič adbudziecca siońnia, 9 vieraśnia, a 12‑j u rytualnym domie ŭ Minsku (Kulman, 33a). Pra heta paviedamiŭ instahram-kanał, pryśviečany Alesiu Adamoviču.
Pachavańnie pačniecca a 15‑j hadzinie na mohiłkach u pasiołku Hłuša Babrujskaha rajonu. Tam ža, dzie pachavanyja baćki Aleś i Viera Adamovičy, a taksama inšyja svajaki.
Natalla Adamovič pamierła ŭ paniadziełak, 7 vieraśnia.
Šmat hadoŭ jana pracavała ŭ Dziaržaŭnym litaraturna-miemaryjalnym muziei Jakuba Kołasa. Paśla śmierci baćki jana zachoŭvała i vyvučała jaho siamiejny archiŭ, dapamahała publikavać listy i zapisnyja knižki piśmieńnika, udzielničała ŭ padrychtoŭcy novych vydańniaŭ jaho tvoraŭ.