U noč na piatnicu mahčymy zboj u pracy bankaŭskich kartak
Bankaŭski pracesinhavy centr papiaredziŭ pra technałahičnyja raboty, zapłanavanyja na 11 vieraśnia. Z-za hetaha na praciahu niekalkich hadzin u niekatorych biełarusaŭ mohuć naziracca pieraboi ŭ pracy bankaŭskich kartak.
Fota: Lookby.media
U suviazi z hetym u piatnicu, 11 vieraśnia, z 00:00 da 06:30 mohuć być niedastupnyja niekatoryja zvykłyja apieracyi.
Mahčymyja pierapynki ŭ absłuhoŭvańni ŭładalnikaŭ kartak šerahu bankaŭ buduć karotkačasovymi, ale ŭsio ž lepš zahadzia ździejśnić važnyja płaciažy i mieć pry sabie najaŭnyja hrošy.
Pieraboi mohuć taksama fiksavacca ŭ sietcy arhanizacyj handlu (servisu), punktaŭ vydačy najaŭnych hrošaj, pryład samaabsłuhoŭvańnia, bankamataŭ, padklučanych da sistemy Bankaŭskaha pracesinhavaha centra, a taksama pry pradastaŭleńni pasłuh jaho kantakt-centra.
Heta datyčycca klijentaŭ Biełarusbanka, Biełahraprambanka, BSB-Banka, Parytetbanka, Śbier Banka, Bielinviestbanka, MTBanka, Banka Dabrabyt, Biełhazprambanka, Banka BiełVEB, Banka VTB (Biełaruś), Alfa-Banka. Jany źjaŭlajucca partniorami Bankaŭskaha pracesinhavaha centra.