Mastaka kultavaha sieryjała «Likvidacyja» aryštavali ŭ Rasii pa spravie ab dziaržaŭnaj zdradzie
Jon žyŭ u Kijevie i pryjechaŭ u Rasiju, kab pamianiać zamiežny pašpart.
52‑hadovaha mastaka-pastanoŭščyka sieryjała «Likvidacyja» Alaksandra Kandratava abvinavacili ŭ dziaržaŭnaj zdradzie, paviedamlaje «Miedyjazona».
Spravu suprać Kandratava zaviali ŭ pačatku žniŭnia. Jaho advakat Natalla Cichanava paviedamiła žurnalistam, što śledstva paličyła jak dziaržaŭnuju zdradu «nie mienš za šeść publikacyj» u internecie. Pra što mienavita išła havorka ŭ hetych publikacyjach, nie ŭdakładniajecca.
Kandrataŭ z 2012 hoda žyŭ u Kijevie, a ŭ Rasiju pryjechaŭ, kab pamianiać zamiežny pašpart, piša «Miemaryjał». Mastaka zatrymali ŭ aeraporcie Unukava 5 maja. Da zaviadzieńnia kryminalnaj spravy jon znachodziŭsia pad «karusielnymi aryštami»
Detektyŭny sieryjał «Likvidacyja» vyjšaŭ na ekrany ŭ 2007 hodzie. Jon raskazvaje pra pracu kryminalnaha vyšuku i baraćbu sa złačynnaściu ŭ paślavajennaj Adesie 1946 hoda. U sieryjale źnialisia Uładzimir Maškoŭ, Michaił Parečankaŭ, Siarhiej Makaviecki i Kanstancin Łaŭranienka.