Rabotnicu banka z Homiela, jakaja padmianiała biełaruskija hrošy na suvienirnyja jeŭra, adpravili ŭ kałoniju
U Homieli vynieśli prysud 54‑hadovaj byłoj supracoŭnicy banka, jakuju abvinavačvali ŭ prysvajeńni hrošaj.
Za šeść hadoŭ žančyna skrała bolš za 90 tysiač rubloŭ, a niastaču sprabavała schavać z dapamohaj suvienirnych banknot.
Homielčanka pracavała śpiecyjalistkaj pa akazańni roźničnych bankaŭskich pasłuh. Sa studzienia 2020 hoda da krasavika 2026 hoda jana zabirała nievialikija sumy z pačkaŭ ź biełaruskimi rublami, jakija sama ŭpakoŭvała i apiačatvała.
Zamiest sapraŭdnych hrošaj žančyna kłała tudy suvienirnyja kupiury naminałam 500 jeŭra.
Ahulnaja suma skradzienaha skłała 90,4 tysiačy rubloŭ. Da suda žančyna kampiensavała 12 250 rubloŭ.
Sud pryznaŭ jaje vinavataj u prysvajeńni daručanaj majomaści ŭ asabliva vialikaj sumie i pryznačyŭ čatyry hady kałonii ahulnaha režymu.
Akramia taho, hamielčancy daviadziecca vypłacić štraf 100 bazavych adzinak — 4500 rubloŭ. Jašče piać hadoŭ joj zabaroniena zajmać pasady, źviazanyja z ulikam, zachoŭvańniem i rasparadžeńniem tavarna-materyjalnymi kaštoŭnaściami.