Samalot Zialenskaha nie byŭ cellu drona, pavietranaje sudna znachodziłasia na ziamli ŭ Kišyniovie
Staršynia parłamienta Małdovy Ihar Hrosu abviarhaje infarmacyju pra toje, što samalot prezidenta Ukrainy Uładzimira Zialenskaha ledź nie byŭ źbity bieśpiłotnikam padčas uźlotu ź mižnarodnaha aeraporta Kišyniova, piša Noi.md.
Fota ilustracyjnaje
Učora premjer-ministr Narviehii Jonas Har Stere śćviardžaŭ, što samalot, na jakim Zialenski pavinien byŭ adpravicca ŭ Narviehiju na pachavańnie karala Charalda V, «ledź nie sutyknuŭsia» ź bieśpiłotnikam padčas uźlotu z Małdovy.
Ihar Hrosu zajaviŭ, što ŭ momant praniknieńnia drona ŭ pavietranuju prastoru Respubliki Małdova pavietranaje sudna znachodziłasia na ziamli i jašče nie pačynała praceduru ŭźlotu.
«Samalot znachodziŭsia na ziamli, jon nie ŭźlataŭ. Paśla taho jak dron pakinuŭ našu pavietranuju prastoru, samalot vylecieŭ», — zajaviŭ Ihar Hrosu.
Ułady Małdovy ŭdakładnili, što prezidencki samalot znachodziŭsia ŭ aeraporcie, kali pavietranuju prastoru časova zakryli paśla praniknieńnia rasijskaha drona z boku Ukrainy.
Pavodle źviestak uładaŭ, bieśpiłotnik upaŭ i vybuchnuŭ prykładna za 160 kiłamietraŭ ad Kišyniova.
Paśla paćviardžeńnia incydentu abmiežavańni na paloty byli źniatyja, a zatrymanyja rejsy adnavilisia.