U Dźmitryja Baskava skončyŭsia termin dyskvalifikacyi, jon źbirajecca znoŭ viartacca ŭ chakiej

Piacihadovaja dyskvalifikacyja Dźmitryja Baskova, jakaja zabaraniała jamu ŭdzielničać u nacyjanalnaj i mižnarodnaj chakiejnaj dziejnaści, skončyłasia. Z 10 vieraśnia spartyŭny funkcyjanier moža viarnucca da pracy ŭ chakiei biez hetych abmiežavańniaŭ, paviedamiŭ sam Baskaŭ u svaim telehram-kanale.

Dźmitryj Baskaŭ

«Siońnia, 10 vieraśnia, narešcie nastupiła aficyjnaja data, kali ja aficyjna mahu viarnucca da chakiejnaj dziejnaści va ŭsich sensach hetych słoŭ», — napisaŭ jon.

8 vieraśnia 2021 hoda Mižnarodnaja fiederacyja chakieja (IIHF) pryniała rašeńnie nakłaści sankcyi na Dźmitryja Baskava. Jaho abvinavacili ŭ złoŭžyvańni słužbovym stanoviščam, cisku na spartoŭcaŭ i datyčnaści da śmierci 12 lispapada 2020 hoda Ramana Bandarenki, dyskvalifikavaŭšy na piać hadoŭ.

Zhodna z aficyjnym rašeńniem IIHF, dyskvalifikacyja pačałasia 10 vieraśnia 2021 hoda i skončyłasia 9 vieraśnia 2026 hoda. 

Ciapier Baskaŭ abiacaje «z patrojenaj enierhijaj pracavać na karyść biełaruskaha chakieja».

Da vieraśnia 2021 hoda Dźmitryj Baskoŭ zajmaŭ pasadu staršyni Fiederacyi chakieja Biełarusi. Ciapier jon źjaŭlajecca členam Savieta Respubliki.

Kamientary da artykuła