U vydaviectvie «Mianie Niama» vychodzić pieršaja pierakładnaja kniha
Aryhinał napisany biełaruskaj Alonaj Hłuchavaj pa-francuzsku.
Vydaviectva «Mianie Niama» anansavała vychad pieršaj pierakładnoj knihi ŭ svaim darobku — «Našy zichotkija cieły» Alony Hłuchavaj. Aryhinał knihi byŭ napisany biełaruskaj Alonaj Hłuchavaj pa-francuzsku i pabačyŭ śviet try hady tamu ŭ bujnym vydaviectvie Gallimard. Na biełaruskuju movu knihu pierakłała Alena Piatrovič, paviedamlaje bellit.info.
«Našy zichotkija cieły» — raman pra kachańnie. Pra toje, kali jano ŭ kahości skončyłasia, a ŭ kahościi (napeŭna) usio jašče nie. Pra toje, što adbyvajecca z tymi, chto raniej byŭ pobač. Paetyčna-mietafaryčny apovied, poŭny adsyłak da astranamičnych i (mieta)fizičnych ciełaŭ i trajektoryj ich padzieńnia.
Tvor poŭnicca frahmientarnymi uspaminami — pra raskidanyja letnija sukienki, jakija niama kudy apranuć, kisłaje čyrvonaje ŭ Miensku, načnyja špacyry pa vulicy ŭ horadzie Po, jakuju aŭtarka i jejnaje kachańnie nie nazyvali «našaj». I biaskoncyja pierajezdy (heta ŭ aŭtarki siamiejnaja tradycyja). A taksama znajšłosia krychu miesca dla Derydy ź Levinasam.
Ciapier adkryty papiaredni zakaz na knihu, poŭny nakład vyjdzie z druku ŭ kastryčniku.