Samy darahi pradadzieny ŭ žniŭni katedž stalicy schavaŭsia nasuprać «Minsk-Śvietu»
Razam z tym nijakich cenavych rekordaŭ («katedžaŭ za miljon») u žniŭni ŭ Minsku nie zafiksavana.
Samym darahim domam Minska staŭ błočny katedž u nieprykmietnym pryvatnym siektary nasuprać «Minsk-Mira». Dom kupili za 230 tysiač dalaraŭ, piša Realt.by.
Samy darahi dom Minska raźmiaściŭsia ŭ masivie pryvatnaha siektara pobač z vulicaj Kižavatava. Nasuprać jaho raniej šumieŭ aeraport, a ciapier amal zavieršany mikrarajon «Minsk-Śviet». Voś hetaje miesca na karcie:
Jandeks-karty
Terytoryja ŭ rajonie vulicy Čarnihaŭskaj i Trubnym zavułku pačała zabudoŭvacca ŭ 1940— 50‑ch hadach. U 2020 hodzie z-za praciahu mietro niekalki damoŭ pajšli pad znos, ale asnoŭnaja častka pryvatnaha siektara da hetaha času zachoŭvajecca.
Ciapier zabudova ŭ hetym kutku stalicy — nieadnarodnaja. Tut jość jak ścipłyja paślavajennyja chaty, tak i sučasnyja budynki.
Pradadzieny katedž — błočny dom 2009 hoda pabudovy. Katedž płoščaj 258 kvadratnych mietraŭ kupili za 230 tysiač dalaraŭ. Atrymlivajecca, kvadratny mietr acanili ŭ 890 dołaraŭ.