«Usich pravierym. Až da mabilizacyi». Łukašenka zahadaŭ praciahnuć pravierki hatoŭnaści ŭ vojskach
«Ja ŭžo kazaŭ pa-narodnamu: armiju treba strasianuć».
Alaksandr Łukašenka paćvierdziŭ płany praciahnuć pravierki hatoŭnaści ŭ vojskach. Pra heta jon zajaviŭ žurnalistam na ahulnavajskovym palihonie Abuz-Lasnoŭski, piša BiełTA.
Było zadadziena pytańnie, ci staić zadača pravieryć uvieś siłavy błok z ulikam praviedzienaj u pačatku hoda maštabnaj pravierki Uzbrojenych sił, a ciapier — unutranych vojskaŭ MUS.
«Ja ŭžo kazaŭ pa-narodnamu: armiju treba strasianuć, pryjšoŭ čas. Usiu armiju. Usich pravierym. Až da mabilizacyi», — skazaŭ jon.
Alaksandr Łukašenka pryvioŭ prykład, što ciapier pa jaho daručeńni praviarajuć artyleryjskuju bryhadu, a da hetaha praviaralisia tankavyja i motastrałkovyja padraździaleńni.
«Robim usio, jak budzie na vajnie», — skazaŭ Łukašenka.
«Rychtujemsia da vajny, kab jaje nie było», — dadaŭ jon.