Armienija vyvučaje mahčymaść dyviersifikacyi pastavak hazu
«U Armienii haz niatanny», — zajaviŭ Nikoł Pašynian.
Nikoł Pašynian. Fota Vyacheslav Prokofyev, Sputnik, Kremlin Pool Photo via AP
Armienija vyvučaje mahčymaść dyviersifikacyi pastavak hazu, zajaviŭ premjer-ministr krainy Nikoł Pašynian. Takim čynam jon adkazaŭ na pytańnie pra toje, ci razhladaje respublika alternatyvu pastaŭkam rasijskaha hazu ŭ vypadku vychadu ź JEAES, piša NewsArmenia.
«U Armienii haz niatanny. Ad miažy na šlachu da spažyŭca ŭ paraŭnańni ź inšymi krainami ŭ Armienii adbyvajecca najbolšy rost cany. <…> Kampanija «Hazprom Armienija» atrymlivaje vialikija prybytki, i heta taksama fakt, jaki my pavinny zafiksavać», — adznačyŭ Pašynian.
Jon adznačyŭ, što nie isnuje takoj śfiery, u jakoj ułady nie buduć pravodzić dyviersifikacyju.
«Kali źjavicca mahčymaść zakuplać haz z druhoj krynicy abo zakuplać bolš hazu z druhoj krynicy, my pojdziem hetym šlacham; kali źjavicca mahčymaść zakuplać jaho z treciaj krynicy, my pojdziem hetym šlacham; kali źjavicca mahčymaść zakuplać jaho z čaćviortaj krynicy, my taksama pojdziem hetym šlacham», — rastłumačyŭ Pašynian.