U Dziaržynskim rajonie śmiećciavoz naśmierć zadaviŭ čałavieka
U Dziaržynskim rajonie pad kołami śmiećciavoza zahinuŭ 50‑hadovy piešachod. DTZ adbyłosia 11 vieraśnia, kala 14:40 na vulicy Łuhavoj u vioscy Višnioŭka, paviedamlaje UDAI UUS Minskaha abłvykankama.
55‑hadovy kiroŭca śmiećciavoza MAZ ruchaŭsia zadnim chodam i najechaŭ na mužčynu, jaki znachodziŭsia zzadu aŭtamabila.
Piešachod atrymaŭ ciažkija traŭmy i zahinuŭ na miescy zdareńnia.
U DAI nahadali kiroŭcam, što ruch zadnim chodam dazvalajecca tolki ŭ tym vypadku, kali jon nie stvaraje pieraškod inšym udzielnikam darožnaha ruchu i harantujecca biaśpieka. Pry nieabchodnaści kiroŭcu rekamiendujuć źviartacca pa dapamohu da inšych ludziej, jakija mohuć sačyć za situacyjaj zzadu aŭtamabila i padavać adpaviednyja sihnały.