Zialenski zajaviŭ, što hatovy sustrecca z Pucinym na samicie G20 u Majami
«My pavinny pajechać. My pavinny sustrecca, pahavaryć i pryniać rašeńnie», — skazaŭ jon.
Fota: Mikhail Metzel, Sputnik, Kremlin Pool Photo via AP; AR
Prezident Ukrainy zajaviŭ, što pajedzie ŭ Majami, kali rasijski lidar Uładzimir Pucin voźmie ŭdzieł u samicie lidaraŭ «Hrupy dvaccaci» (G20), zapłanavanym tam na śniežań. Zialenski skazaŭ pra heta ŭ intervju DW.
«Tak, viadoma. My pavinny pajechać. My pavinny sustrecca, pahavaryć i pryniać pastanovu», — skazaŭ jon.
«Reč nie ŭ słovach. Toje, što ja jamu skažu, ci toje, što jon choča skazać mnie — heta nie maje značeńnia… važnyja vyniki. Voś i ŭsio», — dadaŭ jon. Zialenski taksama zajaviŭ, što Ukraina maje «vyhadnuju pazicyju dla pieramoŭ», adznačyŭšy, što kraina stała macniejšaj, čym letaś.
Zialenski i Pucin nie sustrakalisia asabista z taho času, jak Rasija pačała poŭnamaštabnaje ŭvarvańnie ŭ lutym 2022 hoda.
U Kramli pakul nie paviedamlali, ci pajedzie Pucin u Majami na sustreču G20.
Rasija nie ŭdzielničaje ŭ asabistych znosinach G20 z 2019 hoda, spačatku z-za pandemii karanavirusa, a zatym z-za ŭvarvańnia va Ukrainu ŭ 2022 hodzie i vydadzienaha Mižnarodnym kryminalnym sudom ordera na aryšt Pucina.