U Bałharyi zaharelisia składy zbrojevaha zavoda — druhi raz za 33 dni
Usiaho na placoŭcy 11 składoŭ.
Sofiaglobe.com
Unočy 12 vieraśnia na składzie bojeprypasaŭ zbrojevaha zavoda EMCO ŭ rajonie vioski Horni-Vyrpišta ŭ vobłaści Habrava pačaŭsia pažar, piša Reuters.com.
Adzin z dyrektaraŭ kampanii Słaŭča Dzimijeŭ aficyjna paćvierdziŭ hetuju infarmacyju Bałharskamu nacyjanalnamu telebačańniu.
Usiaho na placoŭcy 11 składoŭ. Pažar pačaŭsia na adnym ź ich, paśla čaho pierakinuŭsia na dva susiednija. Tam zdetanavali bojeprypasy, była čutnaja sieryja vybuchaŭ. Dvoje achoŭnikaŭ paśpieli pakinuć terytoryju, paciarpiełych niama. Najbližejšy nasieleny punkt raźmieščany bolš čym za kiłamietr ad abjekta, rajon byŭ całkam ačepleny pažarnymi.
Krychu bolš za miesiac tamu kala vioski Bielica ŭ centralnaj Bałharyi adbylisia vybuchi i pažar na inšym zavodzie EMCO.
Tady prarasijskija bałharskija ŭłady paličyli, što havorka idzie pra vypadkovaje zdareńnie, a nie pra dyviersiju, a pryčyny incydentu «chutčej za ŭsio, unutranyja».
Abaronnaja kampanija EMCO naležyć bałharskamu biznesoŭcu Jemialjanu Hiebrevu. Jon i jaho zbrojevyja pradpryjemstvy ŭžo nieadnarazova stanavilisia metami mierkavanych apieracyj rasiejskaj vajskovaj raźviedki praz pastaŭki bojeprypasaŭ Ukrainie.
The Insider sumiesna z Bellingcat i Der Spiegel rasśledavaŭ sprobu jaho atručvańnia supracoŭnikami HRU ŭ 2015 hodzie, a taksama vybuchi na składach z bojeprypasami, jakija pryznačalisia ŭ tym liku dla Ukrainy.