19‑hadovy Vital z Hrodna pajechaŭ vajavać suprać Ukrainy. Skončyłasia ŭsio vielmi chutka
Vital Šaško zahinuŭ praź miesiac paśla padpisańnia kantraktu.
Vital Šaško
Vital Šaško z Hrodna padpisaŭ kantrakt z rasijskaj armijaj 27 lipienia 2026 hoda. Jamu było 19 hadoŭ.
1 vieraśnia Vital pajšoŭ na bajavoje zadańnie i bolš nie vyjšaŭ na suviaź. Spačatku jaho ličyli źnikłym bieź viestak.
Ale Arciom Adamienia, blizki siabar Šaško, paśpieŭ paviedamić u sacsietkach — sa spasyłkaj na rodnaha brata Vitala, — što chłopiec zahinuŭ. Hetamu siabru sapraŭdy daviałosia paśpiašacca — bo samoha Arcioma z dnia na dnia zabirajuć u lačebna-pracoŭny prafiłaktoryj jak chraničnaha ałkaholika.
Ideja pajechać na vajnu była samastojnym rašeńniem Vitala, bo jamu «nadakučyła žyćcio».
Ad padpisańnia kantraktu da apošniaha vychadu na suviaź prajšło 36 dzion. Pra toje, dzie mienavita zahinuŭ Šaško, źviestak niama.