Hrodzienski biskup syhraŭ na barabanach na katalickim fiestyvali moładzi
12 vieraśnia ŭ siadzibie «Karalinski falvarak Tyzienhaŭza» pad Hrodnam prajšła sustreča katalickaj moładzi, pryśviečanaja pačatku novaha navučalnaha hoda.
Fiestyval prachodziŭ pad devizam «Nie bojsia, ja z taboj!». Hałoŭnaj padziejaj stała imša, jakuju ŭznačaliŭ hrodzienski biskup Uładzimir Hulaj, paviedamlaje pres-słužba Hrodzienskaj dyjacezii.
Paśla nabaženstva dla ŭdzielnikaŭ vystupili hurty Ignis Spiritus z hrodzienskaj parafii Śviatoha Ducha i Ave Hrodzienskaj vyšejšaj duchoŭnaj sieminaryi.
Razam ź sieminarystami ŭ składzie «Ave» vystupiŭ i sam Uładzimir Hulaj, jaki ŭ svoj čas zasnavaŭ hety hurt. Padčas kancerta biskup syhraŭ na barabanach.