«Znajomy pahladzieŭ na mianie jak na NŁA». Jakim Andžej Pačobut pabačyŭ Hrodna FOTY
Eks-palitviazień padzialiŭsia ŭ svaim fejsbuku ŭražańniami ad rodnaha horada, dzie jon pravioŭ tydzień.
«U Hrodnie bolš za ŭsio nie chapaje znajomych, jakich siońnia lahčej sustreć u Biełastoku, Varšavie ci Vilni. Ja nikoli raniej nie moh prajści praz centr i nie ŭbačyć znajomy tvar. Zaraz heta štodzionnaść. Kali ja sustreŭ na Savieckaj płoščy znajomaha, jon pahladzieŭ na mianie jak na NŁA. I ŭ kožnaha z maich znajomych, z kim ja razmaŭlaŭ u Hrodnie, było takoje pačućcio», — napisaŭ Andžej Pačobut u svaim fejsbuku.
Andžej Pačobut u minuły aŭtorak pryjechaŭ u Hrodna z Polščy, dzie byŭ ad kanca krasavika paśla vyzvaleńnia z kałonii. U Biełarusi žurnalist sustrakaŭsia z pradstaŭnikami polskaj supolnaści, naviedvaŭ pamiatnyja dla polskaj i supolnaj biełaruska-polskaj historyi miaściny. Siońnia jon pavinien viarnucca ŭ Polšču.