Polšča abnaviła rekord mihracyjnaha pryrostu
Ź Biełarusi na pastajannaje miesca žycharstva pryjechali 2849 čałaviek.
Polšča pavodle vynikaŭ 2025 hoda abnaviła rekord mihracyjnaha pryrostu nasielnictva. Pra heta śviedčać danyja Hałoŭnaha statystyčnaha ŭpraŭleńnia, piša Reform.news.
U 2025 hodzie z Polščy na pastajannaje miesca žycharstva vyjechaŭ 10 181 čałaviek, a pryjechali ŭ krainu 21 087 čałaviek. Mihracyjny pryrost skłaŭ 10 906 čałaviek.
Asnoŭny ŭkład unios mihracyjny abmien ź Biełaruśsiu i Ukrainaj. Tak, u Biełaruś z Polščy vyjechali 5 čałaviek, a ź Biełarusi na pastajannaje miesca žycharstva pryjechali 2849 čałaviek. Va Ukrainu vyjechali 39 čałaviek, a z krainy pryjechali 6397 čałaviek.
Značny adtok nazirajecca tolki ŭ napramku Hiermanii. U minułym hodzie z Polščy tudy vyjechali 3129 čałaviek, a prybyli adtul 2656 čałaviek.
Mihracyjny abmien ź Vialikabrytanijaj, jakaja kaliści była adnym z hałoŭnych napramkaŭ adjezdu palakaŭ, zaraz na karyść Polščy. Letaś u Złučanaje Karaleŭstva vyjechali 2247 čałaviek, a pryjechali adtul 2496 čałaviek.
Mihracyjny pryrost u Polščy fiksujecca z 2016 hoda.