U Kyrhyzstanie tak i nie znajšli cieła biełaruskaha alpinista, jaho bolš nie buduć šukać
Pošuki biełarusa Mikałaja Śvirydava na piku Kurumdy skončanyja.
«15 vieraśnia, pošuki Mikałaja Śviridava na piku Kurumdy zavieršany. Znajści Mikałaja nam nie ŭdałosia. Čatyry dni na hary pracavała kamanda apierataraŭ dronaŭ kampanii Evernest razam z alpinistam Andrejem Jarochinym. Byli abśledavanyja hrebień, schiły i kułuary pavodle zadańnia, składzienaha paśla druhoha etapu. Na schile znajšli dva pradmiety: krasovak i pałatku», — paviedamlaje sajt, jaki byŭ zrobleny dla infarmavańnia pra pošuki źnikłych u Kyrhyzstanie biełaruskich alpinistaŭ.
Imavierna, Mikałaj pachavany pad łavinnymi vynasami albo znachodzicca ŭ raskolinach nižej pa schile. Ni toje, ni druhoje z pavietra nie prahladajecca.
«U rajonie pačalisia śniehapady. Śnieh nazapašvajecca na schiłach i bolš nie sychodzić. Dalejšaje abśledavańnie schiłaŭ niemahčymaje: usio, što my šukali, ciapier znachodzicca pad śnieham. Tamu raboty spynienyja. Hrupa sychodzić z hary. Adnaŭleńnie pošukaŭ my nie płanujem. Mikałaj zastajecca na Kurumdy», — kanstatujuć jaho kalehi.
U pačatku žniŭnia paśla ŭzychodžańnia na pik Kurumdy ŭ Kyrhyzstanie źnikła hrupa z troch alpinistaŭ. Siarod ich — dvoje biełarusaŭ: 43‑hadovy Maksim Palanski i 60‑hadovy Mikałaj Śvirydaŭ, a taksama 37‑hadovy Siarhiej Rubcoŭ ź Litvy. Potym padčas pošukavaj apieracyi byli znojdzienyja cieły Palanskaha i Rubcova.
Čytajcie taksama:
«Išli ŭ adnoj źviazcy». Što adbyłosia ź biełarusami ŭ harach Kyrhyzstana