Žančyna ŭpieršyniu ŭznačaliła bajavy karabiel VMS Hiermanii
Ute Nikłas stała pieršaj žančynaj u historyi niamieckaha fłotu, jakaja atrymała kamandavańnie frehatam. Jana pryniała kamandavańnie karablom «Rajnłand-Pfalc» u kapitana Bieniedykta Ajchorna.
Ciapier Nikłas naležyć pryvieści frehat i jaho ekipaž sa 126 vajskoŭcaŭ u poŭnuju bajavuju hatoŭnaść paśla ramontu na vierfi, piša Bild.
Novaja kapitanka raspaviała vydańniu Der Spiegel, što napieradzie jaje čakaje «zachaplalny, ale składany etap». Pavodle jaje słoŭ, jana ź nieciarpieńniem čakaje viartańnia karabla ŭ mora.
Dla Nikłas heta nie pieršy dośvied słužby na «Rajnłand-Pfalc»: raniej jana była pieršym aficeram karabla.
Apošnim časam jana pracavała aficeram apieratyŭnaha štaba ŭ kamandavańni zamiežnych apieracyj Bundeśviera ŭ Šviłavzieje pad Bierlinam.
Žančyny atrymali dostup da ŭsich vajennych śpiecyjalnaściaŭ u Hiermanii tolki ŭ 2001 hodzie. Ciapier u Bundeśviery słužać bolš za 25 tysiač žančyn — krychu bolš za 13% vajskoŭcaŭ.