Naŭsieda: U nas jość jasnaje staŭleńnie da taho, što adbyvajecca ŭ Biełarusi
«My nie načapili ružovyja akulary, praź jakija chacieli b bačyć pryhožaha Łukašenku. My bačym jaho takim, jaki jon jość», — skazaŭ prezident Litvy.
Hitanas Naŭsieda. Fota: Jonathan Raa/NurPhoto via Getty Images
Vašynhton praciahvaje dyjałoh ź Minskam i źmiakčaje niekatoryja sankcyi, adnak prezident Litvy zajaviŭ, što ŭ krainy jość vyraznaja pazicyja adnosna taho, što adbyvajecca ŭ susiedniaj krainie. Akramia taho, pavodle Naŭsiedy, Litva padtrymlivaje ŭviedzienyja Jeŭrapiejskim sajuzam sankcyi na ekspart biełaruskich uhnajeńniaŭ, piša Delfi.lt.
«U nas jość naša pazicyja, my jaje dekłaravali. U niekatorych vypadkach jana ŭzhodnienaja z pazicyjaj ES. Takaja ž zabarona na ekspart biełaruskich uhnajeńniaŭ dziejničaje na ŭzroŭni ES. Jaje praciahnuli na 12 miesiacaŭ, vierniemsia da hetaha pytańnia ŭ pačatku nastupnaha hoda, kali Litva budzie staršynstvavać u Radzie ES», — skazaŭ Naŭsieda LRT 16 vieraśnia.
«U nas jość dakładnaje razumieńnie taho, što adbyvajecca ŭ Biełarusi. My nie načapili ružovyja akulary, praź jakija chacieli b bačyć pryhožaha Łukašenku. My bačym jaho takim, jaki jon jość. Što tyčycca taho, što adbyvajecca ŭ biełaruskim pavietranym prastory, mnie zdajecca, časam my ličym, što Biełaruś sama kiruje svajoj pavietranaj prastoraj», — skazaŭ prezident Litvy.