Biełarusy traciać 34 rubli ŭ dzień
Hod tamu było na 3 rubli mieniej.
Za pieršyja vosiem miesiacaŭ 2026 hoda na adnaho žychara Biełarusi ŭ siarednim prypadała 34,2 rubla roźničnaha tavaraabarotu ŭ dzień. Hod tamu hety pakazčyk byŭ na 3 rubli mienšy, paviedamiŭ Biełstat.
Usiaho sa studzienia pa žnivień roźničny tavaraabarot u krainie dasiahnuŭ 75,5 młrd rubloŭ. U supastaŭnych cenach heta na 8,4% bolš, čym za taki ž pieryjad minułaha hoda. Pryčym tempy rostu krychu paskorylisia: pa vynikach siami miesiacaŭ pakazčyk składaŭ 8,1%.
Bolšaja častka tavaraabarotu prypała niepasredna na handlovyja arhanizacyi — 72,7 młrd rubloŭ. Tut rost skłaŭ 8,9%.
Biełarusy stali bolš tracić i ŭ abjektach hramadskaha charčavańnia. Za vosiem miesiacaŭ ich tavaraabarot dasiahnuŭ 5,3 młrd rubloŭ — na 1,8% bolš, čym za anałahičny pieryjad 2025 hoda.