U Minsku adkryli zaradny dyskaŭntar dla elektramabilaŭ
Na vulicy Siamaški ŭ Minsku źjaviŭsia zaradny dyskaŭntar dla elektrakaraŭ. Jaho adkryła bujnaja sietka Zaryadka.
Fota: Zaryadka
Razynka dyskaŭntara ŭ tym, što košt zaradki tut amal na 30% nižejšy za zvyčajny — 48 kapiejek za kVt·h, piša Office Life.
Zaradny dyskaŭntar znachodzicca na terytoryi 9‑j kliničnaj balnicy, ale sa svabodnym zajezdam dla ŭsich achvotnych.
Novy chab raźnieśli na dźvie łakacyi: pieršaja raźmieščanaja la budynka 10‑ha korpusa pobač z darohaj, a druhaja — pobač z 20‑m korpusam za hałoŭnym budynkam.
Usiaho ŭ dyskaŭntar uvachodziać čatyry zaradnyja stancyi. Tak, u 10‑ha korpusa abstalavanaja chutkaja stancyja mahutnaściu 160 kVt i adna mienš «paśpiešlivaja» — na 40 kVt. Pobač z 20‑m korpusam balnicy ŭstanoŭlenyja dźvie EZS na 40 kVt kožnaja.
Ilhotnyja taryfy ŭ zaradnym chabie pradstaŭniki sietki tłumačać sacyjalnaj misijaj — vykazać padziaku miedrabotnikam i padtrymać pacyjentaŭ.
Dla kampanii heta ŭžo druhi zaradny dyskaŭntar, ale pieršy ŭ miežach MKAD. Pieršy ź ich źjaviŭsia ŭ mai ŭ pramzonie «Šabany».
Usiaho ž u sietki kala 100 stancyj pa ŭsioj Biełarusi z najbolšaj kancentracyjaj u Minsku. Adzin z najbujniejšych prajektaŭ — miehachab u handlova-zabaŭlalnym centry Galleria Minsk. A ŭ pačatku vieraśnia kampanija adkryła bujny zaradny chab u staličnym žyłym kompleksie «Minsk-Śviet».