Niezvyčajnaja kaviarnia adkryłasia ŭ Minsku. Tam zakaz treba zabirać z tajnika
Kab atrymać svaju kavu, jaje spačatku treba znajści.
U stalicy adkryłasia cikavaja ŭstanova. Jaje «fiškaj» źjaŭlajecca niezvyčajnaja vydača zakazaŭ klijentam. Kab atrymać svaju kavu, jaje spačatku treba znajści, piša Office Life.
Kaviarnia nazyvajecca «Dzivactvy cudaŭ». Jana adčyniłasia 12 vieraśnia na vulicy Karła Marksa, 17, pobač sa znakamitym «Hrunvaldam». Pakul tam pradajuć tolki kavu, haračyja morsy i pončyki, ale mieniu abiacajuć pašyryć.
Vydača zakazu va ŭstanovie — heta ceły śpiektakl. Vaš pončyk moža źjavicca ŭ samym niečakanym miescy.
Naprykład, prosta sa ściany, šmatlikich schovanak, šafy, lusterka abo z knižnych palic.
Zrešty, ź niezvyčajnaha tam nie tolki heta. Dyzajn taksama cikavy. Kažuć, jon amal uvieś stvorany ŭručnuju i nahadvaje kazku «Alisa ŭ Krainie cudaŭ».
Kaviarnia pracuje biez vychodnych z 10:00 da 21:00.