Tramp dumaje nad vyvadam ź Jeŭropy 25 tysiač amierykanskich sałdat
Imavierna, vyvad vojskaŭ ZŠA zakranie Hiermaniju, Italiju i Ispaniju.
Amierykanskija vajskoŭcy ŭ Polščy. Fota: Sean Gallup/Getty Images
Amierykanski vajskovy kantynhient u Jeŭropie, uklučajučy bajavyja samaloty, karabli, zbroju i vajskoŭcaŭ, moža być zrezany na tracinu, paviedamili krynicy NBS News.
Imavierna, vyvad vojskaŭ ZŠA zakranie Hiermaniju, Italiju i Ispaniju, jakija prezident Donald Tramp sioleta krytykavaŭ z-za niedastatkovaj, na jaho dumku, dapamohi ŭ vajnie suprać Irana, raspaviali try amierykanskija aficyjnyja asoby, jašče adzin pradstaŭnik zachodnich krain i były čynoŭnik ZŠA.
U hetych troch krainach dysłakujecca asnoŭnaja častka amierykanskich vojskaŭ u Jeŭropie, ahulnaja kolkaść jakich składaje 80 000 čałaviek.
Nasupierak papiaredžańniam sajuźnikaŭ Vašynhtona pa NATA pra rost pahrozy rasijskaj ahresii ZŠA mohuć vyvieści ź Jeŭropy kala 25 000 svaich vajskoŭcaŭ.
Adzin amierykanski čynoŭnik i inšaja krynica, znajomaja z chodam abmierkavańniaŭ, zajavili, što kantynhient moža być skaročany navat napałovu, heta značyć da 40 000 čałaviek.
Kali płan budzie ažyćcioŭleny, to heta stanie samym značnym skaračeńniem vajskovaj prysutnaści ZŠA na kantyniencie z časoŭ zakančeńnia Chałodnaj vajny ŭ 1990‑ch hadach.
Zrešty, pa słovach vysokapastaŭlenaha pradstaŭnika Pientahona i jašče dvuch aficyjnych asob, nijakich rašeńniaŭ na hety momant nie pryniata.