Kiraŭnik Bundeśviera zaklikaŭ rychtavać da abarony ŭsio niamieckaje hramadstva
Hienieralny inśpiektar Bundeśviera Karsten Brojer zajaviŭ, što Hiermanija pavinna pryciahvać da abarony nie tolki armiju, ale i pramysłovaść i hramadstva ŭ cełym.
Kiraŭnik Bundeśviera Karsten Brojer i kancler Hiermanii Frydrych Mierc. Fota: Michele Tantussi/Getty Images
Vystupajučy na forumie IISS Prague Defence Summit, jon padkreśliŭ, što adnych vajskovych i novych technałohij niedastatkova dla procidziejańnia sučasnym pahrozam, piša Bild.
Pa słovach Brojera, vajennyja stratehii chutka sastarvajucca z-za tempaŭ raźvićcia technałohij, a Hiermanii nieabchodna bolš uvažliva vyvučać vopyt Ukrainy.
«Rasija vučycca. Jany kapijujuć i adaptujucca. Jany ŭkaraniajuć inavacyi, nakiravanyja suprać našych mocnych bakoŭ i ŭ abychod ich. Technałohii nie pavinny vyznačać, što my robim. My pavinny vyznačać, što my robim z technałohijami», — zajaviŭ hienierał.
Brojer taksama zajaviŭ, što hibrydnym pahrozam niemahčyma supraćstajać siłami adnoj armii.
«Biez vas my, sałdaty, asudžanyja na pravał. Ale pravał — nie varyjant. Tamu što jon aznačaŭ by śmiarotnuju pahrozu našym tavarystvam u tym vyhladzie, u jakim my ich viedajem. My ŭsie ŭ adnoj łodcy», — skazaŭ jon.