U Rasii abjavili «zamiežnym ahientam» słavutaha režysiora Źviahincava

Ministerstva justycyi Rasii ŭniesła kinarežysiora Andreja Źviahincava ŭ rejestr «zamiežnych ahientaŭ». U viedamstvie zajavili, što padstavaj staŭ jahony ŭdzieł u stvareńni materyjałaŭ i paviedamleńniaŭ dla šyrokaha koła ludziej, źviazanych ź inšymi «zamiežnymi ahientami», a taksama z arhanizacyjami, dziejnaść jakich rasijskija ŭłady pryznali niepažadanaj.

Andrej Źviahincaŭ na ŭručeńni premii ŭ Kanach. Fota: AP Photo / Andreea Alexandru

Andrej Źviahincaŭ — adzin z najbolš viadomych i tytułavanych rasijskich kinarežysioraŭ. Jahony debiutny film «Viartańnie» ŭ 2003 hodzie atrymaŭ hałoŭnuju ŭznaharodu Vieniecyjanskaha kinafiestyvalu — «Załatoha lva». Film «Levijafan», jaki vyjšaŭ u 2014 hodzie, atrymaŭ uznaharodu za najlepšy scenaryj na Kanskim kinafiestyvali, «Załaty hłobus» i naminacyju na «Oskar». Stužka «Nieluboŭ» 2017 hoda taksama była naminavanaja na «Oskar», a ŭ Kanie atrymała pryz žury.

U mai 2026 hoda novy film Źviahincava «Minataŭr» atrymaŭ Hran-pry 79‑ha Kanskaha kinafiestyvalu. Francyja vyłučyła jaho na premiju «Oskar».

Padčas cyrymonii ŭznaharodžańnia Źviahincaŭ źviarnuŭsia da prezidenta Rasii Uładzimira Pucina z zaklikam spynić vajnu va Ukrainie. Režysior zajaviŭ, što ludzi pa abodva baki linii sutyknieńnia chočuć spynieńnia zabojstvaŭ, i zaklikaŭ Pucina spynić vajnu.

Kamientary da artykuła