Try najbujniejšyja mietałurhičnyja zavody Ukrainy spynili pracu paśla rasijskich atak. Cełaja halina pramysłovaści akazałasia pad pahrozaj
U pačatku vieraśnia Rasija naniesła ŭdary balistyčnymi rakietami pa zavodach u Zaparožskaj i Dnieprapiatroŭskaj abłaściach. Na ich prychodziłasia 90% vytvorčaści stali va Ukrainie.
U vyniku atak zahinuli 17 rabočych, a ŭsia staleliciejnaja halina apynułasia pad pahrozaj.
Jak adznačyŭ kiraŭnik ofisa hiendyrektara kampanii «Mietinviest» Alaksandr Vadaviz u materyjale Financial Times, Rasija dakładna viedała, kudy bić, — celami ŭdaraŭ stali domiennyja piečy pradpryjemstvaŭ.
«Va Ukrainie bolš niama staleliciejnaj pramysłovaści», — kanstatavaŭ Vadaviz.
Pa jaho słovach, ciapier nieviadoma, kolki času spatrebicca dla adnaŭleńnia vytvorčaści. Spynieńnie pradpryjemstv moža mieć vialikija ekanamičnyja nastupstvy.