Na froncie zahinuŭ suzasnavalnik UNA-UNSO i były palitviazień Kramla Mikoła Karpiuk
U 2016‑m jamu prysudzili 22,5 hoda turmy za nibyta ŭdzieł u vajnie ŭ Čačni.
19 vieraśnia na zaparožskim napramku zahinuŭ ukrainski hramadski i palityčny dziejač, suzasnavalnik arhanizacyi UNA-UNSO Mikoła Karpiuk.
Jon naradziŭsia na Rovienščynie, braŭ udzieł u Aranžavaj revalucyi i Revalucyi hodnaści. U 2014 hodzie Karpiuk staŭ namieśnikam kiraŭnika «Pravaha siektaru» pa palityčnym błoku.
U sakaviku taho ž hoda jon byŭ zatrymany na ŭkrainska-rasijskaj miažy. U Rasii jaho abvinavacili ŭ złačynstvach suprać fiederalnych vojsk, ździejśnienych jašče padčas pieršaj Čačenskaj vajny. U 2016‑m Mikołu Karpiuka asudzili da 22,5 hoda turmy.
Rasijskija pravaabaroncy pryznali ŭkrainca palitviaźniem.
7 vieraśnia 2019 hoda jon byŭ vyzvaleny ŭ ramkach abmienu pamiž Ukrainaj i RF.
Mikole Karpiuku było 62 hady.