«Alternatyva dla Hiermanii» papiarednie vyjhraje vybary ŭ druhim rehijonie
Na vybarach u parłamient fiederalnaj ziamli Mieklenburh — Piaredniaja Pamieranija AfD, pavodle pieršych źviestak ekzit-połaŭ, zajmaje pieršaje miesca z vynikam 37 pracentaŭ.
Sacyjał-demakratyčnaja partyja Hiermanii (SPD) nabiraje 35,5 pracenta. Na trecim miescy — partyja «Levyja» (Die Linke) z 7,5 pracenta.
Chryścijanska-demakratyčny sajuz Hiermanii (CDU) i «Sajuz 90/Zialonyja» (Bündnis 90/Die Grünen) atrymlivajuć pa 5,5 pracenta.
Dla CDU heta najhoršy vynik na ziamielnych vybarach u historyi partyi. Kancler Mierc užo nazvaŭ heta katastrofaj.
«Sajuz Sary Vahienkniecht — Rozum i spraviadlivaść» (BSW) nabiraje roŭna piać pracentaŭ.
Heta ŭžo druhaja za dva tydni niamieckaja ziamla, dzie AfD vychodzić na pieršaje miesca. 6 vieraśnia partyja pieramahła na vybarach u Saksonii-Anhalt, nabraŭšy amal 44 pracenty hałasoŭ.