Pavieł Sieviaryniec adpravicca ŭ vialiki tur pa Polščy
«Zadumali z Paŭłam vialiki tur pa Polščy z prezientacyjaj jahonych knih», — napisaŭ u svaim fejsbuku Barys Harecki.
Barys Harecki i Pavieł Sieviaryniec, fota z fejsbuka Barysa Hareckaha
«10 dzion u darozie, 10 haradoŭ, u jakich masava žyvuć biełarusy, 3500 kiłamietraŭ. Pavieł budzie prezientoŭvać knihi (zusim chutka ŭ jaho vychodzić novaja), a ja chaču pabačyć i pakazać vam, jak žyvuć i čym natchniajucca našy suajčyńniki i suajčyńnicy ŭ roznych haradach. Płanujem šerah intervju. Raskład i miescy sustrečaŭ nieŭzabavie. A jak chočacie sustrecca — pišycie ŭ pryvat ci tut u kamientarach», — napisaŭ Barys Harecki i pakinuŭ prykładny raskład sustreč.