Palaki pačali atrymlivać prapanovy pracy za 35 jeŭra za hadzinu. Tak ich mohuć vierbavać
Palaki atrymlivajuć paviedamleńni z prapanovaj addalenaj pracy. U ich abiacajuć staŭku 35 jeŭra za hadzinu, umovy prapanujuć abmierkavać u Telegram. Na heta źviarnuŭ uvahu ekśpiert pa dezynfarmacyi Michał Marek, paviedamlaje vydańnie Most.
Zdymak ilustracyjny. Fota: «Naša Niva»
U sacsietcy X Michał Marek pryvioŭ skrynšot padobnaha paviedamleńnia. SMS imituje prapanovu viadomaha ahienctva pa pracaŭładkavańni. U im paznačanaja kolkaść rabotnikaŭ, jakija patrebnyja (30 čałaviek).
U Telegram, kudy viadzie spasyłka, čakaje akaŭnt, jaki nibyta naležyć žančynie-rekrucioru. Tolki za adhukańnie na paviedamleńnie adpraŭnik abiacaje zapłacić 10 jeŭra.
«Chutčej za ŭsio, mienavita takim čynam rasijskija i biełaruskija śpiecsłužby šukajuć (i schilajuć da supracoŭnictva) palakaŭ i inšaziemcaŭ, jakija znachodziacca ŭ Polščy, hatovych vykonvać prostyja zadańni — ad padtrymki infarmacyjna-psichałahičnych apieracyj (naprykład, raźmiaščeńnia ŭ internecie adpaviednych kamientaroŭ) da aktaŭ dyviersii», — vykazaŭ zdahadku Marek.
Čytajcie taksama:
Ukrainiec pryznaŭ vinu ŭ vandaliźmie ŭ dačynieńni da miačeciaŭ u Łondanie. Jaho vierbavaŭ rasijanin
ZŠA raskryli rasijskuju sietku padrychtoŭki teraktaŭ i zakaznych zabojstvaŭ
Sajt, na jakim biełarusaŭ vierbavali dla vajny z Ukrainaj, źnik adrazu jak pra jaho napisali ŚMI