Ukrainskija bieśpiłotniki atakavali Samarskuju vobłaść. Pažar na Kujbyšaŭskim NPZ
Miascovyja žychary paviedamlali pra vybuchi na praciahu niekalkich hadzin nočču.
Ukrainskija bieśpiłotniki atakavali Samarskuju vobłaść. Pažar na Kujbyšaŭskim NPZ
Hubiernatar Viačasłaŭ Fiadoryščaŭ paviedamiŭ, što ŭ Samarskaj vobłaści byli źbityja «dziasiatki bieśpiłotnikaŭ», paškodžanyja hramadzianskija abjekty, u tym liku pryvatnyja damy i aŭtamabili. Infarmacyi pra paciarpiełych pakul niama.
Miascovyja žychary paviedamlali pra vybuchi na praciahu niekalkich hadzin nočču, a nad Samaraj staić čorny słup dymu. Hadzinu tamu ŭ rehijonie była skasavanaja bieśpiłotnaja niebiaśpieka. Astra piša, što atakavany i haryć Kujbyšaŭski NPZ. Zavod užo nieadnarazova traplaŭ pad ataki USU.
Kala troch hadzin nočy pavodle miascovaha času Rasavijacyja zakryvała na pryjom i vypusk samalotaŭ aeraport Samary Kurumoč. Kala siomaj ranicy viedamstva paviedamiła, što abmiežavańni źniatyja.