Zahinuła kotka Čarnuška, jakaja była simvałam hrodzienskaj halerei Tyzienhaŭza
Kot Łaŭryk, sa słoŭ kiraŭnictva, ciapier chodzić pa halerei i šukaje siabroŭku.
Fota: Hrodzienskaja praŭda
Čarnušku, jakaja žyła i «achoŭvała karciny» ŭ halerei Tyzienhaŭza, zahryz sabaka. Pra heta ŭ sacsietkach raskazała dyrektarka ŭstanovy Volha Babinskaja, piša Hrodna.life.
«Siabry i prychilniki halerei. U nas zdaryłasia biada. Siońnia ŭdzień našu kotku Čarnušku, jakaja spakojna spała na kłumbie na soniejku, zahryz sabaka.
Čyjści sabaka chaski, jaki biehaje pa vulicach biez haspadara i namordnika. Mnie ciažka havaryć, tamu pišu tut, — padzialiłasia Volha. — Ja chaču źviarnucca da ŭsich uładalnikaŭ takich sabak — sačycie za svaimi hadavancami! Siońnia niečaja biezadkaznaść pryniesła nam vialikaje hora».
U 2025 hodzie kiraŭnica raskazvała presie, što ŭ halerei žyvuć dva katy — Łaŭryk i Čarnuška. Jaje apisvali jak spakojnuju, mudruju kotku, jakaja prosta jeść i śpić, časam, pad nastroj, vodzić ludziej pa ekspazicyi.
Łaŭryk, sa słoŭ kiraŭnictva, ciapier chodzić pa halerei i šukaje «kalehu».
Čarnuška idzie pieršaj, jana ź biełymi łapkami, fota «Hrodzienskaja praŭda»