Kubrakoŭ prapanuje dazvolić siłavikam «u asablivych umovach» dziejničać biez sankcyi prakurora
«Zadača siłavikoŭ — spyniać pravakacyi», — miarkuje ministr unutranych spraŭ.
Fota: pres-słužba MUS
Ministr unutranych spraŭ prapanuje pašyryć paŭnamoctvy apieratyŭna-situacyjnych štaboŭ. Pra heta jon zajaviŭ padčas kompleksnych kamandna-štabnych vučeńniaŭ u Homielskaj vobłaści.
«Varta prapracavać pytańnie, kab pry dziejańniach u asablivych umovach my mahli prymać peŭnyja rašeńni biez sankcyi prakurora. Dla hetaha paŭnamoctvy kiraŭnikoŭ apieratyŭna-situacyjnych štaboŭ pavinny być pašyranyja. Važna ŭličyć usie jurydyčnyja aśpiekty», — skazaŭ jon.
Kiraŭnik MUS padkreśliŭ, što zadača siłavikoŭ — spyniać «pravakacyi».
Fota: pres-słužba MUS
«Pry spynieńni masavych biesparadkaŭ pracujem vyrazna i zładžana. Rašeńni prymajecie vy, dziejničajecie stroha ŭ adpaviednaści z zakanadaŭstvam. Hałoŭnaje — nie dapuskać pravakacyj, spyniajučy ich u samym pačatku», — zajaviŭ Kubrakoŭ.