U centry Mahilova z hruzavika prosta na darohu zvaliłasia bierviano VIDEA
Siońnia na płoščy Ardžanikidze ŭ Mahilovie adbyłosia niebiaśpiečnaje zdareńnie. Padčas pavarotu z kuzava hruzavika ZIŁ na prajeznuju častku vypała vialikaje bierviano, piša UUS Mahiloŭskaha abłvykankama.
Skrynšot ź videa
Pobač u hety momant znachodziŭsia lehkavy aŭtamabil, ale, na ščaście, bierviano jaho nie zakranuła. Nichto ź ludziej nie paciarpieŭ.
37‑hadovaha kiroŭcu ZIŁa pryciahnuli da administracyjnaj adkaznaści za dapuščanaje parušeńnie.
Dziaržaŭtainśpiekcyja zaklikała kiroŭcaŭ stroha vykonvać praviły darožnaha ruchu i miery biaśpieki. Pierad pačatkam ruchu nieabchodna praviarać pravilnaść raźmiaščeńnia hruzu i nadziejnaść jaho macavańnia.