Mikita Najdzionaŭ zapuściŭ novy prajekt dla aŭdytoryi 30+
«Pa piatnicach vybar: ci paspać, ci pajści pa niehroni».
Muzyka Mikita Najdzionaŭ zapuściŭ novy prajekt — Max Magnum. Heta pa sutnaści jaho tvorčaje alter-eha — vintažnaje i samairaničnaje, natchnionaje muzykaj amierykanskich 1970‑ch i žyćciovym dośviedam.
«Tvoj muzyčny kraš 30+», — tak apisvaje Mikita novy prajekt.
Adna z novych piesień nazyvajecca «30+».
«Tvaja tryccatka — prajm era, a heta jaje saŭndtrek! Max Magnum — tvoj pravadnik praz kryzis siaredniaha ŭzrostu. Vučycie tancy i matajcie na vusa: paśla 30 usio tolki pačynajecca», — napisaŭ muzyka ŭ sacsietkach.
«Pa piatnicach vybar: ci paspać, ci pajści pa niehroni», — ź ironijaj śpiavajecca ŭ treku.
Mikita Najdzionaŭ — paet, muzyka (viadomy pa hurcie «Churma»), arhanizatar muzyčna-intelektualnaj viktaryny «Sam-šazam» i były palitviazień. U 2023 hodzie jamu prysudzili try hady chatniaj chimii za ŭdzieł u pratestach 2020 hoda.