Spraścili afarmleńnie elektronnych pašpartoŭ na techniku

U Biełarusi spraścili paradak afarmleńnia elektronnych pašpartoŭ na transpartnyja srodki i inšuju techniku. Adpaviednuju pastanovu 23 vieraśnia padpisaŭ premjer-ministr Alaksandr Turčyn.

Fota: Lookby.media

Ciapier elektronny pašpart možna budzie aformić pa zajavie fizičnaj abo jurydyčnaj asoby, a taksama indyvidualnaha pradprymalnika, jaki samastojna nie ŭvoziŭ transpartny srodak z-za miažy. Havorka idzie, u pryvatnaści, pra techniku, nabytuju ŭžo na terytoryi Biełarusi.

Urad raźličvaje, što heta dazvolić zarehistravać transpartnyja srodki i inšuju techniku, jakija byli nabytyja ŭ pieryjad, kali dla dziaržaŭnaj rehistracyi elektronny pašpart jašče nie patrabavaŭsia.

Dla abmienu pašpartami transpartnych srodkaŭ pamiž roznymi krainami praduhledžanaja mahčymaść unosić u elektronny pašpart źviestki z paśviedčańnia ab biaśpiecy kanstrukcyi transpartnaha srodku. Takija źviestki zmoža ŭnosić RUP «Biełmytservis».

Taksama źniatyja časavyja abmiežavańni na atrymańnie vypiski z elektronnaha pašparta.

Pastanova ŭdakładniaje i paradak afarmleńnia elektronnych pašpartoŭ na techniku, uviezienuju fizičnymi i jurydyčnymi asobami, a taksama indyvidualnymi pradprymalnikami da jaje dziaržaŭnaj rehistracyi abo pieradačy inšym asobam.

Akramia taho, dakumient rehuluje asobnyja pytańni afarmleńnia elektronnych pašpartoŭ na transpartnyja srodki i ich šasi, vyrablenyja abo ŭviezienyja ŭ Biełaruś, a taksama na samachodnyja mašyny i inšyja vidy techniki.

Urad adznačyŭ, što pryniaćcie pastanovy pavinna ŭrehulavać praceduru afarmleńnia elektronnych pašpartoŭ transpartnych srodkaŭ.

Kamientary da artykuła