Zialenski: Rasija ŭdaryła pa Kijevie ŭ toj momant, kali ja abmiarkoŭvaŭ u Vašynhtonie «piakielnyja sankcyi»
Prezident Ukrainy ŭ svaim telehram-kanale prakamientavaŭ načny ŭdar Rasii pa Kijevie.
«Siońnia rasijanie nanieśli balistyčny ŭdar pa Kijevie jakraz tady, kali na sustrečy z kanhresmienami my abmiarkoŭvali zakon Lindsi Hrema i nieabchodnaść uzmacnić sankcyi. Hetuju vajnu Rasija bieź cisku nie skončyć. U toj čas, kali ludzi spali, u niebie byli ŭspyški ad vybuchaŭ. Znoŭ asnoŭnaja mišeń ichniaha ŭdaru — Kijeŭ i cyvilnaja infrastruktura: žyłyja damy, radzilnia, enierhietyka i łahistyka», — napisaŭ Uładzimir Zialenski.
Jon paviedamiŭ pra dvuch zahinułych, a taksama paciarpiełych i vykazaŭ spačuvańni siemjam.
«Kožnaja takaja ataka adbyvajecca tamu, što cisk na ahresara tak i nie staŭ tatalnym, i Rasija ličyć, što moža i dalej rabić staŭku na balistyčny teror. Ciapier u Złučanych Štataŭ jość mahčymaść mocna adreahavać. Patrebnyja pierachopniki dla balistyčnych rakiet, kab abaranić žyćci. Nieabchodna realizavać sankcyi suprać Rasii i tych, chto dapamahaje joj zarablać», — dadaŭ prezident Ukrainy.