Polšča evakujavała punkty propusku na miažy z Ukrainaj
Zroblena heta praz udary Rasii.
Rasijskija naloty vymušajuć Polšču evakujavać punkty propusku na miažy z Ukrainaj. Pra heta siońnia paviedamiŭ premjer-ministr krainy Donald Tusk, piša Reform.news.
«Heta sapraŭdnaja trahiedyja našaha času, bo heta nie pieršy raz, kali ja razmaŭlaju z adnym z našych partnioraŭ tut, u Varšavie, i abmiarkoŭvaju ahresiŭnyja pavodziny Rasii i prablemy, jakija jany stvarajuć dla Polščy. I mienavita ŭ hety momant rasijanie vyrašajuć heta dakazać. Pakul my tolki što razmaŭlali, Ukraina znoŭ padvierhnułasia napadu kala polskaj miažy, i nam znoŭ daviałosia evakujavać pamiežnyja pierachody ŭ Hrubiešavie i Darahusku», — skazaŭ Donald Tusk na pres-kanfierencyi z premjer-ministram Bałharyi Rumienam Radzievym.
Praca punktaŭ propusku pieraryvałasia na paŭhadziny. Polšča pačała źviartacca da praktyki evakuacyi KPP paśla taho, jak Rasija na praciahu apošnich tydniaŭ nanosiła ŭdary pa ŭkrainskich punktach propusku na miežach z Małdovaj i Rumynijaj, a paźniej šerah vybuchaŭ prahrymieŭ i pablizu ŭkrainska-polskich pamiežnych pierachodaŭ.